Në 19 Nëntor 2022, Retro Albania bëhet pjesë e Federatës Ndërkombëtare të Mjeteve Historike (FIVA), familja mbarëbotërore për mbrojtjen, ruajtjen dhe promovimin e mjeteve historike, ku bëjnë pjesë 109 shtete dhe një flotë prej mbi 1.5 milionë mjete koleksioni.
Delegacioni i DPSHTRR, enti iniciator dhe themelues i Retro Albania, mori pjesë në Asamblenë e Përgjithshme të FIVA (e themeluar në vitin 1966, si përfaqësim i miliona entuziastëve të mjeteve historike në mbarë globin, partnere e UNESCO prej vitit 2017, duke përfaqësuar trashëgiminë botërore të automobilizmit) në Sofie, Bullgari, ku Presidenti i FIVA, Z. Tiddo Bresters, iu lexoi të pranishmëve edhe një mesazh përshëndetës nga Shqipëria pas njoftimit zyrtar të hyrjes së Retro Albania me të drejta të plota në FIVA.
Simpoziumi “Partneriteti dhe bashkëpunimi me qeverinë dhe institucione të tjera” DPSHTRR dhe FIVA
Simpoziumi i parë në bashkëpunim me FIVA (Federation Internationale Vehicules Anciens) mbi “Partneritetin dhe Bashkëpunimin me Qeverinë dhe Institucionet e Tjera”.
Një takim i cilësuar nga Presidenti i FIVA Z. Tiddo Bresters dhe pjesëmarrësit si një eksperiencë e jashtëzakonshme, e organizuar në detaje për të përcjellë më së miri dhe Moton e FIVA, “Të mbrojmë trashëgiminë tonë: E ardhmja i përket atyre që kanë njohuri mbi të shkuarën e tyre”. Ndarja e eksperiencave, këshillave, sfidave nga ekspertë ndërkombëtar, studiues, lider të industrisë, përfaqësues qeveritar, e kaloi forumin e mbajtur në një nivel tjetër më emocionues sepse u dhanë ide për të eksploruar strategji për të nxitur partneritete dhe bashkëpunime midis sektorëve publikë dhe privat.
