Certifikata e Njohjes dhe Libri i Udhëtimit
Mjeti i cili ka fituar statusin Retro, pajiset me:
- Certifikatë njohje me vlefshmëri 4-vjeçare;
- Libër Udhëtimi(Autorizimi për 90 ditë) ku shënohet itinerari i çdo udhëtimi.
*Certifikata, libri i udhëtimit dhe polica e sigurimit duhet të mbahen me vete në çdo qarkullim me mjet.
Humbje/vjedhje/dëmtim i Certifikatës së Njohjes apo Librit të Udhëtimit
Në rastet e humbjes, vjedhjes apo dëmtimit të Certifikatës së Njohjes apo Librit të Udhëtimit, zotëruesi i mjetit duhet:
- Të bëjë denoncimin në organet e policisë të cilët lëshojnë Vërtetimin e Denoncimit.
- Të paraqitet më pas në Drejtorinë Rajonale ku ka vendbanimin për të tërhequr Certifikatën e re të njohjes (*Afati i vlefshmërisë sipas afatit kohor të mbetur) dhe/ose Librin e ri të Udhëtimit.
Dokumentet me të cilat duhet të paraqitet zotëruesi i mjetit janë:
- Dokument identifikimi
- Vërtetimin e Denoncimit të Policisë
Tarifat e shërbimit:
Pajisja me Certifikatë Njohje: 2,000 Lekë
Pajisja me Libër Udhëtimi (Autorizimi për 90 ditë): 6,000 Lekë
